Protesta te Ministria e Arsimit, Ikonomi: Studentët me përkatësi politike, janë identifikuar

Protesta te Ministria e Arsimit, Ikonomi: Studentët me përkatësi politike, janë identifikuar

0Shares
Protesta te Ministria e Arsimit, Ikonomi: Studentët me përkatësi politike, janë identifikuar




Deputetja e PS Milva Ikonomi shprehet se protesta e thirrur nesër nga studentët përpara Ministrisë së Arsimit është organizuar nga militantët e PD dhe LSI.

Në Abc News, Ikonomi ka treguar se studentët që kanë shpërndarë njoftimet për protestën i përkasin partive politike si PD dhe LSI, madje janë dhe pjesë e senateve dhe këshillave studentore në Fakultete.

Njoftimi për një protestë vjen nga disa studentë që vetëquhen studentë por që kanë dy qasje: E pra tregon se janë studentë që janë në senat ose në këshillin studentor dhe në fakt në këto dy organe nuk mund të jenë figura që vijnë nga studentë që janë gjithashtu figura që rrjedhin nga partitë politike.

Ne kemi disa emra që janë bërë të ditur nga Fakulteti i Shkencave të Natyrës ku janë dy studentë që janë të angazhuar politikisht pranë PD-së , që janë gjithashtu të ulur në senat dhe në Këshillin studentor që kanë një kontradiktë të pastër me atë që kërkon statusi i universitetit.

Nga ana tjetër janë dhe dy studentë për të cilët është bërë verifikimi, ku njëra vjen nga Fakulteti Ekonomik dhe tregon që nuk ka marrë bursën dhe në fakt ajo nuk është fare studente e Fakultetit Ekonomik, por është anëtare e LSI-së.

Dhe një student tjetër që tregon se është nga Fakulteti i Histori Filologjisë, i cili në fakt tregon që nuk ka përfituar bursën por në të vërtet nuk është përfitues burse. Këto vijnë si informacione nga bordet e administrimit. Derisa ne marrim këtë informacion tregon se funksionon bordi i administrimit. Pakti për Universitetin është jetësuar dhe po merr formën e plotë, tha Milva Ikonomi.

v.l/ Dita






Sponsorizuar
2019 . All rights reserved.